കാലവര്‍ഷം കനത്തു മലബാര്‍ മഴവെള്ളത്തില്‍ മുങ്ങി

news & photos kumar kasaragod

കാസര്‍ഗോഡ്‌ ; കാലവര്‍ഷം കനത്തു മലബാര്‍ മഴവെള്ളത്തില്‍ മുങ്ങി ശക്തമായ മഴയെത്തുടര്‍ന്ന് മധുവാഹിനി പുഴ കരകവിഞ്ഞൊഴുകി. ഇതിനെത്തുടര്‍ന്ന് മധൂര്‍ ശ്രീ മദനന്തേശ്വരം സിദ്ധിവിനായക ക്ഷേത്രത്തിനകത്ത് വെള്ളം കയറി. ക്ഷേത്രദര്‍ശനത്തിനായി എത്തിയ ഭക്തജനങ്ങള്‍ നിറഞ്ഞുകവിഞ്ഞ വെള്ളത്തില്‍കൂടി കഷ്ടപ്പെട്ടാണ് ക്ഷേത്രത്തിനകത്ത് എത്തിയത്.

തുടര്‍ച്ചയായി നാലു ദിവസമായി പെയ്യുന്ന ശക്തമായ മഴയില്‍ പട്ടഌവയലും,ബംബ്രാണ വയലും, മധൂര്‍ രണ്ടാം വാര്‍ഡ് മെമ്പര്‍ മജീദ് പട്ടഌയുടെ വീടും ചുറ്റുപാട് പ്രദേശങ്ങളും വെള്ളത്തിലായി. തളങ്കര പടിഞ്ഞാറേ റോഡ്, ചെമ്മനാട്, നെല്ലിക്കുന്ന്, ബദിരെ, പുലിക്കുന്ന്, തുടങ്ങിയ താഴ്ന്ന പ്രദേശങ്ങളും വെള്ളത്തിനടിയിലായി.

ബേക്കല്‍, ഉദുമ, കീഴൂര്‍, കുമ്പള, ഉപ്പള, മൊഗ്രാല്‍ തുടങ്ങിയ തീരദേശങ്ങളില്‍ കടല്‍ക്ഷോഭം ശക്തമായി. പല വീടുകളും ഭീഷണിയിലാണ്. അപകടഭീഷണിയിലുള്ള വീടുകള്‍ ഒഴിപ്പിച്ച് തുടങ്ങിയിട്ടുണ്ട്..