വ്യാപാരികള്‍ സംസ്ഥാനമാകെ നാളെ കടകളടച്ചിടും

കാസര്‍കോട്: തൊഴില്‍ സംരക്ഷണം ആവശ്യപ്പെട്ട് നാളെ കേരള വ്യാപാരി വ്യവസായി ഏകോപനസമിതിയുടെ നേതൃത്വത്തില്‍ നടത്തുന്ന രാജ്ഭവന്‍ മാര്‍ച്ചിന്‍റെ ഭാഗമായി വ്യാപാരികള്‍ സംസ്ഥാനമാകെ കടകളടച്ചിടും. റോഡ് വികസനത്തില്‍ ബലിയാടാകുന്ന വ്യാപാരികള്‍ക്ക് നഷ്ടപരിഹാരം നല്‍കുക, വ്യാപാരികളുടെ പെന്‍ഷന്‍തുക വര്‍ധിപ്പിക്കുക, സെയ്ഫ് ഫുഡ് ആക്റ്റിന്‍റെ പേരിലുള്ള പീഡനം അവസാനിപ്പിക്കുക, ദേശീയപാത 30 മീറ്ററായി നിജപ്പെടുത്തുക തുടങ്ങിയ ആവശ്യങ്ങളുന്നയിച്ചാണ് രാജ്ഭവന്‍ മാര്‍ച്ച്. മാര്‍ച്ചിന്‍റെ പ്രചാരണാര്‍ഥം വ്യാപാരി വ്യവസായി ഏകോപന സമിതി പ്രസിഡന്‍റ് ടി. നസിറുദീന്‍ നയിക്കുന്ന തൊഴില്‍ സംരക്ഷണ വാഹനപ്രചാരണ ജാഥ ഇന്നലെ കൊല്ലത്ത് പര്യടനം പൂര്‍ത്തിയാക്കി. ജാഥ ഇന്ന് തിരുവനന്തപുരത്ത് സമാപിക്കും. .