പാതയോരത്തു പന്തലിച്ചു നില്‌ക്കുന്ന കാടുകള്‍ അപകട ഭീഷണിയുയര്‍ത്തുന്നു

രാജപുരം: കാഞ്ഞങ്ങാട്‌-പാണത്തൂര്‍ സംസ്ഥാന പാതയില്‍ മുണേ്‌ടാട്ട്‌ പാലത്തിനു സമീപം പാതയോരത്തു പന്തലിച്ചു നില്‌ക്കുന്ന പൊന്തക്കടുകള്‍ അപകട ഭീഷണിയുയര്‍ത്തുന്നു. വളവുള്ള സ്ഥലത്തു കാടു പന്തലിച്ചു നില്‌ക്കുന്നതിനാല്‍ അപകട സാധ്യത കൂടുതലാണ്‌. തൊഴിലുറപ്പു പദ്ധതിയില്‍പ്പെടുത്തി വര്‍ഷം തോറും പാതയോരത്തെ കാടുകള്‍ വെട്ടിതെളിക്കാറുണെ്‌ടങ്കിലും ഇത്തവണ ഇതൊന്നും നടന്നിട്ടില്ല. റോഡു കടന്നുപോകുന്ന പല സ്ഥലങ്ങളിലും ഇതുപോലെ കാടു വളര്‍ന്നു വാഹനങ്ങള്‍ക്കു ഗതാഗത തടസത്തിനും ഇടയാക്കുന്നുണ്‌ട്‌. കോടോം-ബേളൂര്‍, പനത്തടി, കള്ളാര്‍ പഞ്ചായത്തുകളിലൂടെയാണ്‌ സംസ്ഥാന പാത കടന്നു പോകുന്നത്‌. ഈ മൂന്നു പഞ്ചായത്തുകളിലേയും കുറച്ചു ഭാഗങ്ങളില്‍ കാടുകള്‍ വെട്ടിത്തെളിക്കുകയും ഓവുചാലുകള്‍ വൃത്തിയാക്കുകയും ചെയ്‌തിട്ടുണ്‌ട്‌. എന്നാല്‍ പാത കടന്നുപോകുന്ന കൂടുതല്‍ സ്ഥലങ്ങളിലും കാടുകയറി മൂടിയിരിക്കുകയാണ്‌..